SHEEKO GAABAN
WADADII ADARI !
c/raxman zaylaci
sheikh
kalinimadu xumaa, araxan
la,aantu daranaa,ufo
dabeelo wadata
mahiigaan, miiraale iyo
gudgude habeen miyaan
kali noqday, reer dagan
oo oday taliya, haween
iyo caruur leh ayaan
aheyn, nugul dhaqda
dalag beerta, bariido
iyo salaam ku caweeya,
kaaha aroortii dhawaaqa
diiga subaxii adinka
iyo digriga culumadu
astaan reerka lagu
yaqaano ayuu ahaa,
mashxarad dumar, orgi
dinaahiya tusaale
barwaaqo oo lagu
naaloodo ayuu ahaa,
cadceedu muusood ayey ku
soo toosi jirtay gacan
haadin ayey nagu
nabadgaliyeen
jirtay,reeraha nagu
xeyndaaban nooma
fiicneen, colaad xasad
iyo karaahiyo ayey noo
hayeen, horey isku dayey
in ay fal noo dhigaan,
dabiibkii culumadaan ku
shaafiyey,marbay
dabeyluhu ka soo
dhabtaan meel aan loo
heelaneyn doomahana
mowjadaha dulgeeyaan,
marbay sacabadu ka
caajisaan sacabka
indhuhuna ilmada, marbay
dhadadu hareer martaa
manka iyo ubaxa milicda
cadceeduna gubtaa, ishii
na cayuuntay ayaa midba
meel naga tuurtay, oday
dhaqameed hankii jab,
haween kuli good asay
ayaa loo saaray, wiilkii
dhashaa mid ayaa dooxa
qabrigana galiya, ree
dumow yaa ku leh, minii
la yaabo
yaasiinka,gayigu dhamaan
mid gurguurata mid
baadad leh mid xamaalata
ah nooma kala harin,
cidhibta ayey
najareen,duleedkii
reerka ayaan soo
wareegay, dad kama
helin, digadii duunyada
ayaan deymooday nugul
isheydu ma qaban,
gagadii ciyaarata ayaan
u luuday dabeylo ayaa
igaga kacay, waabkii
ayeyday ayaan hadhso
maagay dhirtii ayaa
sawaxantay cabsi
ayaan la
huleelay, mowlacii
culumada
ayaan maciinsaday alle
ku baryey, dhagaha ayaa
tabayey digrigii sheekha
iyo subciskii macalimka,
jaarkayagu waa tuu
sugayey waa tuu in badan
farta la qaniinay, maa
caleysh al-duniyaa
allwaan, waan soo baxay
wadadii ADARI soo qaaday
anoo gucleenaya, jidka
adari xumaa qalbi adkaa,
beer naxa male
miyaa, qoraxdii
dhacday, reer aan ku
laabtana malaha,
halkan halkan aan
hoganaya waa wadadii
adari..ee aan dhawaaqa
diiga wada
sugno..........kaaha
subaxa
dhowrno......dhadada
dhibicdeedana sacabada u
dhigano.. dharabtuba
marbay xareed
dhashaaye.............
c/raxman zaylaci sheikh
