SHEEKO GAABAN

7 NINLEEY

c/raxman zaylaci

DEEQA dadka kama duwana qurux lagu haybsado qiimo iyo qaayo lagu dheehdo ebbaahibo usiiyey calaf rageed nasiib ayey u leedahay calmasho daa,imin iyo qoys burburayna astaan ayey u tahay da,deedu ma badana,raga ay jamatay dhaayahooda listayna ma yara, hanadkii ay heybsato isagoo u haraad qaba hamuunkuna culayo ayey ableydu dishaa dusheedana la waraa dhiigiisana ku indha kuulataa, tuke baal cad ayey leedahay raguna ku heybsadaa inta ayna god ku hubsan kii hore ayuu ragu ku baratamaa kuna loolamaa calmashadeeda, dumar hal doora maaha heybad kale ma dheera hanaan wanaagsan iyo himilo raga dhufaantay mooyaane,kii u horeeyey ee dahaarka ka qaaday xuubkana jeexay ajashiisa oo dhamaan ayuu dusheeda ka booday gonina uga istaagay, mid gucleenaya gar iyo garasho hareer martay ayaa habeen madow cidla ka helay aduun waa hadh wareega isagoo dul baraaqsan dhuuxeeda jaqaaya ayaa ablay lagu dooxay dusheedana la waray dhiigiisiina ay dhantay,kii ka dishay kuma raagin mana kala raagin, kal kaan rag way aragtay laakiin ubad iyo dhalaan ay maama tiraa wali lama tusin, kii ay mid fayow moodaba dheeheedu cushaa dhaydeeduu lisaa dhamacdeeddu dugsadaa dhaxantana gabaad uga dhigtaa. midba mid ka darane ragbaa isku heysta kalana jiidanaya tabar iyo tab ay ku kala maareyso way gabtay, kii ay dhankiisa jaleecdu dhabarkuu jaraa adhaxduu ka dilaa, mid mid dhaama malaha, mid abley wata mid mariid wata mid xadiid tumanaya dhamaan xageeda ayey gocoshadu u heysaa garab iyo maciin malaha maddi ayey aheyd aabaheed iyo hooyadeed kalideed ayey dhaleen,markuu gudcur madoobaadka ay tahay cirkuna godlado mahiigaana soo kaco biriqda hilaaca iyo doobta onkodka ayey waheshataa dad iyo dugaagna uga fiican, waa yaabka yaabkiisa waa aduun aakhir samaan ,jamashadeeda ayuu rag seefaha u lisanayaa ciradeedu xishood ma galin ,kalinimadeeduna dareen kuma reebin, diifta waayahuna ma damqin nin meel ujeedaa meel kale ka dheer, mid xeer wata mid shareeca wata ayey dhexdooda taalaa mid dheehan iyo mid u dhiman allaa garan, taa waxaa ka sii daran carashada iyo dhibi dhisadka ooda reerka ka baxsan, micilisashada ayna afkooda garaneen ayaa uur ku taale ku ah, hadii ay geenyo orad iyo lagdin yaqaan  aheyd maanta dhulkey u dhacday dheehiina kama dhicin oraahda kaliya ee laga hayaa waxaa ay aheyd ( iidaaya culumada ii daaya shareecada ..rag soo arkay todobana ka soo arkay ee bal iidaaya wadaada)..

Qore             c/raxman zaylaci sheikh....